Færsluflokkur: Bloggar

Fíkniefnamyndavélar...

Þjófnaðir og innbrot snaraukast.  Hraðakstursbrotum fjölgar, þökk sé hinum alsjálfvirku hraðamyndavélum, annars væru brotin sjálfsagt um 10.  Fíkniefnabrotum fækkar hinsvegar mjög.  Semsagt hin stóraukna götulöggæsla lögreglustjóra eins og hann lýsir henni, hefur nánast þurrkað upp fíkniefnaneyslu í landinu...  Glæsilegur árangur hjá honum...  Væri ekki ráð að slökkva á hraðakstursmyndavélunum og ná þar glæsilegum árangri líka...
mbl.is Á fjórða hundrað innbrot í september
Tilkynna um óviðeigandi tengingu við frétt

Þarf ekki svo að senda bófana á námskeið.

Svo þarf auðvitað að senda bófana á námskeið svo að þeir geti þekkt í sundur hvaða lögreglumenn þeir geta beitt ofbeldi með lítilli áhættu og hverja ekki.  Þetta auðvitað sérlega heppilegt fyrir erlend glæpagengi sem vita það kannski ekki við komuna til Íslands að það séu bara sérsveitarmenn sem ekki má berja.  Síða þurfum við borgararnir auðvitað að treysta því að það séu bara sérsveitarmenn sem koma í útköllin til okkar til að leysa úr okkar vandamálum, ekki einhverjar venjulegar löggur, tækjalausar sem ekkert meiga gera.

Sumir kynnu að halda að það séu hagsmunir hinna heiðalegu borgara að lögreglan megi og geti ekkert gert.  Það er misskilningur, það eru hagsmunir glæpamanna að svo sé.  Hananú...


mbl.is Mælir með rafstuðtæki til sérsveitar
Tilkynna um óviðeigandi tengingu við frétt

Lögreglan hefur heimild til að rannsaka málið.

Er það ekki lögreglan sem rannsakar lögbrot.  Nú er klárlega kominn fram rökstuddur grunur um mútuþægni og er það þá ekki lögreglan sem á að rannsaka slíkt.  Þannig væri það allaveganna í réttarríkjunum í næsta nágrenni við okkur Íslendingana en einhverja hluta vegna er málum öðruvísi farið hér hjá okkur.  Við erum auðvitað með miklu betra réttarfar.  Ætli hann verði ekki bara gerður að dómsmálaráðherra í staðinn.
mbl.is Ríkisendurskoðun hefur ekki heimild
Tilkynna um óviðeigandi tengingu við frétt

Tímaeyðsla Hæstaréttar.

Að hugsa sér að það skuli vera hægt að fara með svona smotterí alla leið í Hæstarétt.  Það er eitthvað að réttarkerfinu hjá okkur ef að Hæstiréttur þarf að eyða púðri í svona vitleysu.  Það er nú það.
mbl.is Ekki fallist á bjórdrykkju að afloknum akstri
Tilkynna um óviðeigandi tengingu við frétt

Svona á að gera þetta.

Alveg til fyrirmyndar.  Þarna hefur eitthvað ofboðið einhverjum fullum unglingum ef ég þekki það rétt og þeir gripið til mótmæla með þessum hætti.  Maður skilur ekki hvað lögreglan er að skipta sér af þessu.  Ég ætla ð fara að safna eggjum og að ganga með falda kylfu ef ég skyldi vera óánægður með einhvern, þá get ég bara mótmælt honum strax á staðnum.  Kannski ætti ég að vera með hníf, svona ef ég skyldi verða mjög reiður, það er jú minn réttur.
mbl.is Köstuðu eggjum á bíl
Tilkynna um óviðeigandi tengingu við frétt

Þvílíkt bull - aumingja maðurinn.

Ekki orð um afsökunarbeiðni.  Tómt réttlætingarbull.  Allt öllum öðrum að kenna nema honum sjálfum.  Hvað er vörubílalaus maðurinn að þvælast þarna með falda kylfu innanklæða.  Til hvers.  Dettur honum það í hug að lögreglan hafi ekki afskipti af því.  Skili honum svo aftur ólöglegu vopninu eftir að hafa tekið það af honum.  Og ef hann verður reiður, má hann þá bara berja fólk í andlitið.  Það eins gott að lögreglan var búin að taka af honum kylfuna.  Það væri kannski ráð að saga af honum hendurnar líka fyrst hann hefur ekki stjórn á þeim, eða hvað???

Niðurstaðan úr þessu öllusaman er augljós.  Eftir þessar aðgerðir lögreglunnar eru tveir menn slasaðir.  Þeir báðir lögreglumenn, slasaðir eftir árás Ágústs og einhvers annars vitleysings.  Það að þurfa að skola augun á sér með vatni eru ekki meiðsli.  Fjarri lagi.  Ástæðan fyrir því að lögreglan hefur náð með glæsibrag að yfirbuga þessa vitleysinga án þess að meiða þá er gas og aftur gas.  Þess vegna er enginn annar meiddur.  Hefðu menn kannski viljað frekar fást þarna við frönsku eða dönsku lögregluna.  Ég veit það t.d. að danska lögreglan sparkar menn miskunnarlaust niður með sparki í brjóstkassann ef henni er ekki hlýtt umsvifalaust.  Ætli það væru ekki einhverjir með kúlur á hausnum eftir þau lögreglulið.  Vinnubrögð lögreglunnar vönduð og öguð að öllu leiti í þessum aðgerðum öllu.  Það spurnig hvort að hún hefði ekki átt að ganga þarna fram með ákveðnum hætti við bensínstöðina á sínum tíma er eggjakastið hófst.

Og svo að menn átti sig nú á því þá eiga fleirri réttindi heldur en vörubílstjórar og ofbeldismenn.  Við hin eigun nefnilega rétt á því að fá að vera í friði fyrir þeim.  Ég vona að lögreglan sjái til þess að svo verði.


mbl.is Missti stjórn á skapi sínu
Tilkynna um óviðeigandi tengingu við frétt

Guð almáttugur. Hvað er þetta að gera í fréttamennsku.

Semsagt.  Einu mistökin sem hún gerði var að þessi ummæli hennar heyrðust.  Henni þykir það semsagt miður að þessi orð skuli hafa farið fyrir eyru almennings, eins og hún segir í yfirlýsingu sinni, ekki að hún hafi sagt þetta.  Þetta er ekki hægt að misskilja.  Þetta sýnir ágætlega vinnubrögð þeirra fréttamanna á Stöð2.   Allt fyrir skúbbið, þá bara sviðsetja það ef ekki dugar betur.  Ef að Ernir lætu Láru ekki fara þá einfaldlega sýnir hann sig á sama plani.  Það er líka ekkert mál, hún verður svo bara ráðin aftur eftir 6 mánuði. eins og Róbert Marshall þegar að hann var að bulla upp staðlausum fréttum.
mbl.is Yfirlýsing frá Láru Ómarsdóttur
Tilkynna um óviðeigandi tengingu við frétt

Fagnaðarlæti bílstjóranna yfir árásinni.

Það var athyglisvert að heyra fagnaðarlætin sem brutust út hjá bílstjórunum eftir að þessi volæðisgemlingur hafði slegið þennan unga lögreglumann með þessum lymskulega hætti í andlitið.
mbl.is Ráðist á lögregluþjón
Tilkynna um óviðeigandi tengingu við frétt

Fábjáni

Hvað er þessi fábjáni að meta það hvort að hann megi kasta grjóti í aðra.  Hann ætlar kannski að meta það hvort að hann vilji líka nota hníf, eða sprengiefni.  Aumingja maðurinn.
mbl.is Grjótkastari segir lögreglu hafa sýnt valdníðslu
Tilkynna um óviðeigandi tengingu við frétt

Hvað er að okkur Íslendingum.

Hvernig er þá með það.  Er Hæstiréttur þá búinn að heimila öllum íbúum Máritaníu að setjast að á Íslandi?  Ég held að í lagalegum skilningi sé svo og þeir verði ekki stoppaðir héðan af.  Sömu aðstæður gilda fyrir aðra íbúa Máritaníu og þennan íbúa, þannig að þeir geta borið fyrir sig sömu rök og hann, að þeir eigi bátti.  Enginn, sem hér eftir getur gert nokkuð við því.  Ég verð bara að segja það, og lái mér hver sem er, og ritskoðarar landsins kasti mér fyrir borð vegna þess.  Af hverju geta þessi grey lögmenn landsins ekki gert þetta eins og starfsbræður þeirra í kringum þá, t.d. í Færeyjum, hvað þá lengra frá okkur.  Af hverju þarf það að vera ógæfa okkar íslendinga að vera með þetta lið í dómskerfinu sem síðan reynist svo ekki fært um svo mikið sem að koma margmargmargmargmargdæmdum fíkniefnasölum í grjótið.  Og börnin okkar liggja í fjandans eitrinu, því að eitur er þetta sannanlega.  Sjáiði bara nýjustu myndirnar af 3 stjörnu hótelinu sem Fangelsismálastofnun var að opna á Akureyri.  Skömm á þá stofnun.  Er það bara ég sem er orðinn bilaður, eða eru það allir hinir. Ég veit svarið.
mbl.is Ákvörðun um brottvísun úr landi felld úr gildi
Tilkynna um óviðeigandi tengingu við frétt

Næsta síða »

Um bloggið

Nafni

Höfundur

Nafni
Nafni
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband